CALZADA ROMANA DEL PIRINEO
PIRINIOETAKO GALTZADA ERROMATARRA
Plan de desarrollo turístico - Turismo-garapeneko plana
Proyecto de puesta en valor del patrimonio histórico, natural y cultural - Ondare historiko, natural eta kulturala balioan jartzeko proiektua
Ezagutu programa
Programaren helburuak
Pirinioetako Erromatar Galtzadaren Garapen Turistikorako Plan Integralaren helburua ibilbide-orri partekatu bat definitzeada, ibilbide historiko hau Nafarroako Pirinioetako eta Pirinioaurreko bailaretarako ondare, kultura eta turismo baliabide giltzarri gisa balioesteko.
Proiektuak galtzadari eta haren baliabideei buruzko ezagutza eguneratzea bilatzen du, bai eta lurraldearen identitatea indartu eta turismo-erabilera eredu iraunkor, konektatu eta irisgarri bat bideratzea.
Hori guztia ikuspegi parte-hartzailetik egingo da, eta administrazio, enpresa, elkarte eta herritarren esperientzia prozesuaren funtsezko uneetan txertatuko da, azken erabakiek lurraldearen ikuspegi ahalik eta zabalena eta adierazgarriena izan dezaten.
Programa nori zuzenduta dago?
Programa Pirinioetako Erromatar Galtzadarekin lotura duten pertsona eta erakunde guztiei zuzenduta dago, baita galtzadak zeharkatzen dituen bailarei ere: Longida Ibarra (Ekai-Longida), Aoiz, Artzibar, Erroibar (Aurizberri), Auritz, Orreaga, Luzaide. Programa bereziki udalei eta tokiko beste erakunde batzuei, turismo- eta merkataritza-enpresei (ostatuak, jatetxeak, jarduera-enpresak eta bisitariari lotutako saltokiak), kultura, ondare, ingurumen eta gizarte elkarteei zuzenduta dago, baita lurraldean bizi, lan egin edo harekin lotura aktiboa duten herritarrei ere. Helburua ikuspegi anitz eta osagarriak biltzea da, turismo-planak eta inplementazio digitalak helmugaren benetako beharrei erantzun diezaieten, haren nortasuna indartu dezaten eta erakundeen, sektore pribatuaren eta tokiko komunitatearen arteko garapen-eredu partekatuari lagundu diezaioten..
Nola inplikatu zaitezke
Hainbat udalerritan antolatuko diren saio presentzialetan parte har dezakezu. Bertaratu ezin bazara, zure ideiak eta iruzkinak emateko aukera izango duzu, orrialde honen behealdean aurkituko dituzun inkesten bidez. Kasu guztietan, zure ekarpenak modu sistematikoan jasoko dira, eta diagnostikoa kontrastatzeko, lehentasunak identifikatzeko eta turismo-planaren eta etorkizuneko tresna digitalaren proposamenak bideratzeko erabiliko dira. P roiektu honek Pirinioetako Galtzada Erromatarra eta haren inguruko paisaia kulturalak babesten eta balioan jartzen laguntzen du, ondarea eta ingurunea zaintzearekin bateragarriak diren turismo-erabilera moduak sustatuz.
Este proyecto contribuye a la protección y puesta en valor de la Calzada Romana del Pirineo y de los paisajes culturales que la rodean, promoviendo formas de uso turístico compatibles con la conservación del patrimonio y del entorno.
Proiektuaren faseak
1. Parte-hartze-prozesuaren garapena
Parte-hartze-prozesua martxan jartzea, udalerrietan saio irekiak eginez, erakunde publiko, enpresa eta egoiliarrekin foku-taldeak osatuz, eragile garrantzitsuekin elkarrizketak eginez eta inkesta digitalekin osatuz. Lan horri esker, hainbat iritzi jaso daitezke, arazoak eta aukerak identifikatu, proposamen zehatzak ezagutu eta planak jasoko lituzkeen jarduera-ildoak modu partekatuan lehenetsi.
2. Azterketa eta diagnostikoa, lurraldeko informaziotik abiatuta
Jasotako ekarpen guztiak informazio dokumentalarekin eta landa-lanarekin integratzen dira, galtzadaren eta haren ingurunearen turismo- eta ondare-diagnostikoa egiteko. Dauden baliabideak, zerbitzuak, egungo erabilerak eta detektatutako joerak aztertzen dira, eta AMIA matrizea bezalako tresnetan laburbiltzen dira. Tresna horien bidez, argi ikus daitezke ibilbidearen indarguneak, ahuleziak, aukerak eta mehatxuak.
3. Pirinioetako Erromatar Galtzadaren Garapen Turistikorako Plan Integralaren prestaketa
Plan estrategiko bat idazten da, galtzadari balio turistikoa emateko lehenetsitako helburuak, ardatzak, jarduera-ildoak eta proposamenak definitzen dituena, diagnostikoaren eta parte-hartze-prozesuaren emaitzak integratuz eta jarduerak jasangarritasunaren, lehiakortasunaren eta lurralde-kohesioaren printzipioekin lerrokatuz.
4. Inplementazio digitala eta mapa birtual interaktiboaren sorkuntza
Mapa birtual interaktibo bat diseinatzea eta garatzea, galtzadaren trazadura eta haren ondare-, paisaia- eta zerbitzu-interesgune nagusiak adierazteko. Interpretazio-edukiak, geolokalizazio-sistemak eta baliabide digitalak erabiliko dira, herritarrek eta bisitariek erraz kontsultatu eta erabili ahal izan ditzaten.
Prozesu parte-hartzaileen egutegia
Talde fokala udalekin eta tokiko erakundeekin
Saio hau Pirinioetako Erromatar Galtzadarekin lotura zuzena duten udal eta kontzejuei zuzenduta dago. Talde fokaleko gune bat irekiko da, erromatarren bideari buruzko ikuspegi instituzionala kontrastatzeko, turismoaren, ondarearen eta mugikortasunaren arloko lehentasunak jasotzeko, eta kontuan hartu beharreko martxan dauden edo aurreikusten diren proiektuak identifikatzeko. Elkarrizketa egituratuaren bidez, ezagutza teknikoa eta tokiko kudeaketaren esperientzia integratuko da, egon daitezkeen tentsioak detektatuko dira eta proiektuan zehar erabakiak hartzeko oinarri partekatua eraikiko da.
Fecha: 24 de marzo 2026
Horario y lugar: de 16.30h a 18.30h en la Sala de Cine del Ayuntamiento de Valcarlos / Luzaide
Registro de asistenciaTalde fokala tokiko enpresa eta eragile ekonomikoekin
Talde fokala tokiko enpresa eta eragile ekonomikoekin Saio hau enpresa turistiko eta komertzialentzat, pertsona autonomoentzat eta galtzadari lotutako bailaretan lan egiten duten beste eragile ekonomiko batzuentzat pentsatuta dago. Talde fokal baten bidez, erromatar bidearen inguruan turismoa nola bizi den, produktuak eta esperientziak dibertsifikatzeko zer aukera ikusten diren, etorkizunarekiko zer beldur dauden eta garapen turistikoa benetan jasangarria izateko zer baldintza behar diren aztertuko da. Dinamikak proposamen zehatzak sortzea, ideiak lehenestea eta enpresa-sarearen beharrak hobeto ezagutzea ahalbidetuko du, hauek diagnostikoan eta planaren diseinuan txertatzeko.
Fecha: 26 de marzo 2026
Horario y lugar: de 16.30h a 18.30h en la Casa de la Cultura de Burguete / Auritz
Registro de asistenciaTalde fokala egoiliarrekin eta tokiko komunitatearekin
Pirinioetako Galtzada Erromatarra zeharkatzen duten edo lurraldearekin lotura aktiboa duten udalerrietan bizi diren pertsonentzako topaketa irekia. Bidearen narratibak landuko dira: eguneroko bizitzan zer esan nahi duen, zein oroitzapen eta erabilera lotzen zaizkion bideari, inguruko turismoaren etorkizuneko ikuspegia eta horrek sortzen dituen kezkak edo itxaropenak. Erromatar bideko esperientzia hobetzeko ideiak, ekimen komunitarioen proposamenak eta garapen turistikoaren balizko eragin positibo eta negatiboei buruzko pertzepzioak jasoko dira, komunitatearen ahotsa prozesu osoan zehar egon dadin.
Fecha: 25 de marzo de 2025
Horario y lugar: de 16.30h a 18.30h en el Ayuntamiento de Valle de Arce / Artzibar en Nagore
Proiektua gauzatzeko epea
Parte hartu inkestan!
Zure iritziak laguntzen digu Pirinioetako Galtzada Erromatarra barrutik nola bizi den hobeto ulertzen: egoiliar gisa, bisitari gisa edo zure enpresatik. Aukeratu zuri hobekien dagokizun inkesta, eta kontatu zure esperientzia minutu gutxitan.
Egoiliarrentzako inkesta
Pirinioetako Galtzada Erromatarrak zeharkatzen dituen ibarretako batean bizi bazara, zure iritzia funtsezkoa da turismoak lurraldearen bizi-kalitateari, tokiko nortasunari eta egunerokotasunari nola eragiten dion ulertzeko. Inkesta honek 7–9 minutu inguru irauten du, eta galtzadarekin duzun harremana jasotzen du, bisitarien presentzia nola hautematen duzun, zer arazo antzematen dituzun eta zer hobekuntza lehenesten dituzun, plan turistikoak inguruan bizi zaretenoi ere mesede egin diezazuen.
Bisitarientzako inkesta
Duela gutxi Pirinioetako Galtzada Erromatarrari lotutako udalerri edo ibarren bat bisitatu baduzu (Ekai-Longida, Agoitz, Artzibar, Erroibar, Aurizberri, Auritz, Orreaga edo Luzaide), zure esperientzia ezagutu nahi dugu. Minutu gutxitan kontatuko diguzu zerk ekarri zaituen hona, zer jarduera egin dituzun eta nola baloratzen duzun bisitaren kalitatea, zerbitzuak eta ingurunea.
Turismo-enpresentzako eta tokiko negozioentzako inkesta
Inkesta hau Erromatar Galtzadako ibarretako ostatuentzat, jatetxeentzat, turismo aktiboko enpresentzat, saltokientzat eta turismoari lotutako beste negozio batzuei zuzenduta dago. 8–10 minututan azaldu ahal izango duzu nola ikusten duzun eskaria, zer zailtasun aurkitzen dituzun zure jardueran eta zer aukera antzematen dituzun galtzadak desestazionalizatzen eta tokiko ekonomia indartzen laguntzeko.
Responder encuesta de empresas